Настройкі
Настройкі шрыфту
Arial
Times New Roman
Памер шрыфту
A
A
A
Міжлітарная адлегласць
Стандартнае
Павялічанае
Вялікае
Колеравая схема
Чорным
па белым
Белым
па чорным
Смаргонскі раённы выканаўчы камітэт
Галоўная / Навiны / Навiны раёна
03.11.2021

Падарожжа ў мінулае

 Канікулы найлепшы час, каб пазнаваць новае і падарожнічаць. Падарожнічаць можна па краінах, гарадах, мястэчках. А можна і ў мінулае свайго роднага краю. Пазнаваць Беларусь, далучыцца да гісторыка-культурнай спадчыны, ажыццявіць падарожжа ў мінулае выхаванцам аздараўленчага лагера “Пунсовыя ветразі”, які знаходзіцца ў сярэдняй школе №3,  дапамаглі супрацоўнікі УК “Смаргонскі гісторыка-краязнаўчы музей”. Дзякуючы  ім маленькія смаргонцы  ажыццявілі  рэтра-падарожжа і пабывалі ў “Смаргоні кірмашовай”. Супрацоўнікі музея ў тэатралізаванай і інтэрактыўнай форме расказалі пра гісторыю знакамітай “Мядзведжай акадэміі”. Асабліва ўразіла выступленне “мядзведзя-акадэміка” пад кіраўніцтвам павадыра. Цікавая гульня дапамагла стварыць цудоўны настрой. Гасцінная гаспадыня-абараначніца ўзгадала, што Смаргонь - гэта беларуская сталіца абаранкаў, пра гісторыю гэтых ласункаў і пачаставала імі ўсіх гасцей. Калі вы жадаеце з карысцю і пазітывам правесці вольны час, то наведайце “Смаргонь кірмашовую”, не пашкадуеце. Галіна Мінкевіч, выхавальнік аздараўленчага лагера “Пунсовыя ветразі” СШ №3.