Настройкі
Настройкі шрыфту
PT Sans
Times New Roman
Памер
A
A
A
Міжлітарная адлегласць
Стандартнае
Павялічанае
Вялікае
Колеравая схема
Чорным
па белым
Белым
па чорным
Смаргонскі
раённы
выканаўчы
камітэт

Навiны раёна

14 кастрычніка 2020

Маленькія сардэчкі для маці

 Здаецца, зусім нядаўна пачаўся навучальны год.   І вось ужо апошнімі промнямі лагоднага сонейка развітаўся  верасень, саступіўшы месца дажджліваму кастрычніку. Але ёсць у гэтым тужлівым восеньскім суме асабліва цёплае свята — Дзень маці!
З вялікай асалодай і задавальненнем рыхтаваліся да яго навучэнцы 5 класа Залескіх ясляў-сада — сярэдняй школы. Што ж падарыць самаму блізкаму чалавеку на свеце? Безумоўна, сэрца! Маленькія сардэчкі з падзякамі за жыццё, клопат, выхаванне, пяшчоту ўпрыгожылі самаробныя паштоўкі. Сюрпрызам стала і відэапаштоўка, у якой дзеці чытаюць вершы  знакамітых паэтаў пра маці.
Усё, што ёсць у свеце цудоўнага і светлага, — гэта дзякуючы матулям. Дык няхай жа ад вашых шчырых усмешак квітнее ўвесь свет, а вашы светлыя думкі і пачуцці прынясуць дабро, спакой і спагаду ў вашы сем’і!

Наталля Сідарава,  класны кіраўнік 5 класа Залескіх ясляў-сада—сярэдняй школы.