Афіцыйны сайт

Адукацыя

Адрас: 231042, г. Смаргонь, вул. Леніна, 5
Тэлефон прыемнай/факс: 3 76 80
Адрас электроннай пошты: uo-smorgon@mail.grodno.by
Адрас сайта: smorgon.grodno.unibel.by

Рэжым працы: з 8.00 да 17.00 гадзін, перапынак з 13.00 да 14.00 гадзін, выхадны: субота, нядзеля.

Начальнік упраўлення адукацыі Смаргонскага раённага выканаўчага камітэта: 
Шчасная Святлана Анатольеўна, кантактны тэлефон: (8 01592) 3 76 78, графік прыёму: 2-я, 4-я пятніца месяца з 8.00 да 13.00.

Намеснік начальніка ўпраўлення адукацыі Смаргонскага раённага выканаўчага камітэта: 
Мінкоўская Аксана Мікалаеўна, кантактны тэлефон: 8 (01592) 3 76 79, графік прыёму: 1-ы, 3-і аўторак: 8.00 - 13.00.

Сістэма адукацыі Смаргонскага раёна прадстаўлена 29 установамі адукацыі. Установы дашкольнай адукацыі наведваюць 2304 (2018 год - 2262) выхаванцы, установы агульнай сярэдняй адукацыі - 5822 (2018 год - 5620) навучэнцы.
Захаваліся высокія пазіцыі па асноўных паказчыках якасці дашкольнай адукацыі. Працэнт ахопу дашкольнай адукацыяй дзяцей ва ўзросце ад 1 года да 6 гадоў складае 74,73%, ад 3 да 6 гадоў - 93,78%.
Выконваюцца сацыяльныя стандарты ў галіне дашкольнай адукацыі: нарматыў забяспечанасці месцамі дзяцей ранняга і дашкольнага ўзросту на 1 студзеня 2019 г. склаў 99,03% (пры нарматыве 85%), ахоп дзяцей 5-гадовага ўзросту падрыхтоўкай да школы - 100%.
Створаны ўмовы для пашырэння магчымасці атрымання выхаванцамі адукацыі на беларускай мове. Па запытах бацькоў у 2018/2019 навучальным годзе функцыянавала 56 груп з беларускай мовай навучання (977 дзяцей, 2018 год - 915).
Асноўныя паказчыкі адукацыйнага працэсу ў раёне застаюцца стабільна высокімі: 47,6% навучэнцаў завяршылі навучальны год на дастатковым і высокім узроўнях, сярэдні бал паспяховасці склаў 7,63 (2017/2018 нав. год - 7,63).
Пасведчанні аб агульнай базавай адукацыі з адзнакай атрымаў 41 дзевяцікласнік, што складае 9,1% (2018 г. - 10,6%). Атэстаты асобага ўзору з узнагароджаннем залатым (сярэбраным) медалём уручаны 31 (11,8%) выпускніку ХІ класаў (2018 г. - 27 (8,8%).
Вынікі цэнтралізаванага тэсціравання 2019 года сведчаць аб мэтанакіраванай рабоце педагагічных калектываў раёна па павышэнню якасці адукацыі. Па дванаццаці вучэбных прадметах, якія здавалі на цэнтралізаваным тэсціраванні, выпускнікамі ўстаноў адукацыі раёна паказаны вынік вышэй абласнога (2018 год - 7).
Тры 100-бальных вынікі атрыманы выпускнікамі раёна, з іх: па рускай мове - Філенковай Марыяй (дзяржаўная ўстанова адукацыі «Гімназія г. Смаргоні»), Майсеенка Кацярынай (дзяржаўная ўстанова адукацыі «Сярэдняя школа № 3 г. Смаргоні»), па хіміі Свірбут Валерыяй (дзяржаўная ўстанова адукацыі «Сярэдняя школа № 1 г. Смаргоні»).
Самыя высокія вынікі прадэманстравалі навучэнцы ўстаноў адукацыі «Гімназія г. Смаргоні» - сярэдні бал па 10 вучэбных прадметах вышэй раённага (2018 год - па 9), «Сярэдняя школа № 5 г. Смаргоні» - па 10 (2018 год - па 8), «Сярэдняя школа № 7 г. Смаргоні» - па 6 (2018 год - па 6). 
У 2019/2020 навучальным годзе ў 9 установах агульнай сярэдняй адукацыі працягваюць працу 10 профільных XI класаў (176 вучняў, 74,9%). У 10 установах агульнай сярэдняй адукацыі арганізавана работа 11 профільных X класаў (204 вучні, 74,5%). Пашырылася сетка профільных класаў прафесійнай накіраванасці. Функцыянуюць 5 педагагічных класаў (груп) ва  ўстановах адукацыі «Сярэдняя школа № 1 г. Смаргоні», «Сярэдняя школа № 2 г. Смаргоні», «Сярэдняя школа № 5 г. Смаргоні», «Вучэбна-педагагічны комплекс Жодзішкаўскі яслі-сад - сярэдняя школа», 3 – аграрныя класы (групы) ва ўстановах адукацыі «Сярэдняя школа № 2 г. Смаргоні», «Вучэбна-педагагічны комплекс Сінькоўскі яслі-сад - сярэдняя школа».
Рэалізуецца адукацыйная праграма прафесійнай падрыхтоўкі рабочых (служачых) у X-ХI класах у рамках вучэбнага прадмета «Працоўнае навучанне». Вядзецца навучанне па 3 прафесіях: прадавец, тынкоўшчык, працоўны зялёнага будаўніцтва. Навучальныя заняткі арганізаваны на базе ўстановы адукацыі «Смаргонскі дзяржаўны політэхнічны прафесійны ліцэй», дзяржаўных устаноў адукацыі «Вучэбна-педагагічны комплекс Жодзішкаўскі яслі-сад - сярэдняя школа», «Вучэбна-педагагічны комплекс Сінькоўскі яслі-сад - сярэдняя школа».
174 выпускнікі (66,2%) 2019 года (2018 г. - 61,4%) працягнуць навучанне ва ўстановах вышэйшай адукацыі. Найбольш канкурэнтаздольнымі пры паступленні апынуліся выпускнікі дзяржаўных устаноў адукацыі «Гімназія г. Смаргоні» (88,5%), «Сярэдняя школа № 5 г. Смаргоні» (84,8%), «Вучэбна-педагагічны комплекс Крэўскі яслі-сад-сярэдняя школа» (80%).
На трэцім этапе рэспубліканскай алімпіяды па вучэбных прадметах заваявана 18 дыпломаў (+ 2 да 2017/2018 навучальнага года), на абласной алімпіядзе па вучэбных прадметах сярод вучняў другой ступені агульнай сярэдняй адукацыі - 21 (+3).
Адзначана станоўчая дынаміка ўдзелу ў абласным конкурсе работ даследчага характару (канферэнцыi) вучняў па вучэбных прадметах «Хрустальная Альфа» (2018 год - 3, 2017 - 2, 2016 - 2).
На працягу шэрагу гадоў адзначаецца станоўчая дынаміка паказчыка эфектыўнасці карэкцыйна-педагагічнай працы. Дасягнута павелічэнне паказчыка да 59,8% (2017/2018 навучальны год - 58,1%). Высокі паказчык адзначаецца ў дзяржаўных установах адукацыі «Сярэдняя школа № 1 г. Смаргоні» (86,5%), «Сярэдняя школа № 5 г. Смаргоні» (85%), «Сярэдняя школа № 7 г. Смаргоні» (82,9 %).
Установамі адукацыі рэалізуецца праект «Электронная школа» па стварэнні адзінай інфармацыйнай адукацыйнай прасторы. Паступова ажыццяўляецца лічбавая трансфармацыя адукацыі. У 17 (100%) установах агульнай сярэдняй адукацыі ажыццёўлены пераход да пастаяннай эксплуатацыі сэрвісу «Электронны дзённік/Электронны часопіс» з адмовай ад вядзення дзённіка навучэнца ў папяровай форме (26 класаў / 449 вучняў).
Стабільны адукацыйны ўзровень педагагічных работнікаў: вышэйшую адукацыю маюць 91,75% (2017 год - 92,24%) педагогаў устаноў агульнай сярэдняй адукацыі і 65,37% (2017 год - 63,9%) педагагічных работнікаў устаноў дашкольнай адукацыі.
У бягучым годзе сістэма адукацыі папоўнілася 16 маладымі спецыялістамі (2018 год - 24), з іх 4 - на ўмовах заключэння мэтавых дагавораў.
У 2018/2019 навучальным годзе ўстановамі адукацыі раёна ажыццяўлялася рэалізацыя 2 эксперыментальных і 5 інавацыйных праектаў. Вынікі дзейнасці 8 устаноў, якія завяршылі рэалізацыю праектаў у 2018 годзе (100%) адзначаны Акадэміяй паслядыпломнай адукацыі сярод найбольш паспяховых і рэкамендаваны да шырокага выкарыстання ў сферы адукацыі (у 2017 г. - 5 з 5). У 2019/2020 навучальным годзе на базе 13 устаноў адукацыі будзе ажыццяўляцца рэалізацыя 14 праектаў.
У працы па развіцці фізічнага выхавання і спорту навучэнцаў дасягнута станоўчая дынаміка па шэрагу паказчыкаў. Зборныя каманды раёна занялі ІІ агульнакаманднае месца ў абласной спартакіядзе школьнікаў па спартыўна-масавых мерапрыемствах. У склад зборнай каманды Гродзенскай вобласці было ўключана 17 удзельнікаў раёна на ўдзел у Рэспубліканскай спартакіядзе школьнікаў 2019 года (2018 г. - 17 удзельнікаў, 2017 г. - 14 удзельнікаў).
Рэалізаваны комплекс мерапрыемстваў, звязаных з важнымі для Рэспублікі Беларусь юбілейнымі датамі: святкаванне 75-ай гадавіны вызвалення Рэспублікі Беларусь ад нямецка-фашысцкіх захопнікаў, 25-годдзе Канстытуцыі Рэспублікі Беларусь.
Вынікам работы па вывучэнню гісторыі і традыцый роднага краю стала адкрыццё ў Год малой радзімы двух музеяў (дзяржаўныя ўстановы адукацыі «Сярэдняя школа № 1 г. Смаргоні», «Сярэдняя школа № 7 г. Смаргоні»). На 16,34% павялічыўся паказчык пашпартызацыі музеяў (2018 год - 94,12%, 2017 год - 77,78%).
Атрымала развіццё сістэма эстэтычнага выхавання вучняў. У 2019 годзе званне «ўзорны» прысвоена лялечнаму тэатру «Смаргонская батлейка» дзяржаўнай установы адукацыі «Смаргонскі РЦТДМ». Усяго ў 5 установах адукацыі раёна працуе 9 «узорных» калектываў мастацкай і дэкаратыўна-прыкладнай творчасці.
Установамі адукацыі раёна праводзіцца работа па прыцягненню дадатковых сродкаў праз удзел у праектнай дзейнасці. Рэалізуюцца чатыры праекты: па адным ва ўстановах адукацыі «Сярэдняя школа № 6 г.Смаргоні» і «Сольская сярэдняя школа», два - ва ўстанове адукацыі «Гімназія г.Смаргоні». Ва ўстанове адукацыі «Гімназія г.Смаргоні» устаноўлена спецыяльнае абсталяванне для маніторынгу атмасфернага паветра і наладжана работа метэастанцыі. Абсталяванне атрымана ў рамках праекта «Экаманіторынг», які рэалізуецца ЕС-ПРААН пры партнёрстве Мінпрыроды.